Cun in enquista vul il chantun rimnar datas actualas davart ils sistems da stgaudar dals edifizis. Grazia fitg che Vus As participais ed ans sustegnais!

En l'enquista As tschentain nus dumondas davart Voss edifizis resp. davart ils edifizis che Vus administrais. Las dumondas concernan en spezial il tip dal sistem da stgaudar e d'aua chauda sco er las sanaziuns fatgas (p.ex. isolà l'edifizi, remplazzà las fanestras e remplazzà il stgaudament).

Grazia fitg che Vus As participais ed ans sustegnais!

Enquista

Finamira da l'enquista

Cun l'enquista vul il chantun rimnar datas actualas davart ils sistems da stgaudar dals edifizis. Questas datas duain vegnir transferidas en il register federal dals edifizis e da las abitaziuns (REA) e remplazzar là las datas odiernas ch'èn savens antiquadas, incumplettas u incorrectas.

Co profitais Vus

Tranter tut las participantas e tut ils participants da l'enquista tirain nus la sort per 10 bons da mintgamai 1000 francs per l'emissiun d'in CECE u d'in CECE plus (CECE = certificat energetic chantunal dals edifizis). Il CECE (plus) giuditgescha il stadi energetic actual da l'edifizi e gida a planisar la sanaziun da l'edifizi.