En la sessiun d'avrigl 2025 ha il Cussegl grond preparà la via per la segunda etappa dal Plan d'acziun Green Deal. Cun ina clera maioritad ha el deliberà la nova Lescha grischuna davart il clima e l'innovaziun, che stgaffescha la basa giuridica per futuras mesiras per la protecziun dal clima e per la finanziaziun da talas.

En la sessiun d'avrigl 2025 ha il Cussegl grond – suenter ina debatta da 3 dis – approvà la segunda etappa dal Plan d'acziun Green Deal. En la votaziun finala ha el prendì la decisiun cun 80 cunter 32 vuschs e quatter abstenziuns. Cun relaschar la Lescha grischuna davart il clima e l'innovaziun (Lescha davart la promoziun e la finanziaziun da mesiras per la protecziun dal clima e l'innovaziun en il Grischun, LGCI) ademplescha la Regenza l'incumbensa dal Cussegl grond, da preschentar las basas legalas necessarias per las ulteriuras mesiras per la protecziun dal clima e per la finanziaziun da talas mesiras.