Davos la pagina d'internet www.klimawandel.gr.ch stattan ils trais organs da la strategia da clima: il Forum dal clima, la Cumissiun directiva da clima ed il Secretariat da clima.

• Il Forum dal clima è il gremi spezialisà dals uffizis en il chantun Grischun che s'occupa da la tematica dal clima. Participads èn 14 uffizis da trais differents departaments.
• Il Forum dal clima vegn presidià d'in comité directiv.
• Il Secretariat da clima coordinescha las incumbensas e las activitads en il chantun, che resultan da la strategia da clima e da la Lescha davart il CO₂.

Ina scuntrada annuala da tut las parts participadas serva a barattar infurmaziuns ed intermediescha enconuschientschas spezialas d'expertas externas e d'experts externs da divers secturs tematics che han da far cun la midada dal clima.

Incumbensas

Ensemen cun il Secretariat da clima gida il Forum dal clima ils uffizis chantunals a realisar las incumbensas che resultan da la strategia da clima. Il Forum dal clima promova il barat tranter ils uffizis ed intermediescha novas enconuschientschas davart la midada dal clima e davart mesiras a favur da la protecziun dal clima u da l'adattaziun al clima, betg sco ultim er per la publicitad.

Contact

Nossas datas da contact