Il Rintg da maschinas dal Grischun organisescha ils 12 da settember 2023 in di d'energia davart il tema «Duvrar effizientamain, accumular e vender energia dal bain puril».

Ils 12 da settember 2023 ha lieu in di d'energia sin il bain puril Gravas da Silvia ed Andreas Obrecht a Pasqual. En il center da l'occurrenza organisada dal Rintg da maschinas stattan il diever effizient, l'accumulaziun e la vendita d'energia regenerabla sin il bain puril.

Temas da la dieta

• Producziun, accumulaziun e vendita d'electricitad solara. Christian Wolf, MBR Solar.
• Smart Meter – il quintader d'electricitad intelligent. Michael Sattler, Ökozentrum.
• L'atgna staziun da chargiar. Josias Clement, Clement Elektro SA.
• Generatur da current d'urgenza (generatur da rudaischen). Urs Tobler / Thomas Cadonau, MR Svizra.
• Program d'edifizis dal chantun GR. Bartli Schrofer, Uffizi d'energia e da traffic.
• Demonstraziuns: segarievens electric, maschina da segar electrica, tractor electric.

Ulteriuras infurmaziuns ed annunzia per l'occurrenza fin ils 4 da settember 2023 sut info@mr-gr.ch.