Il chantun Grischun po sa participar als custs da mesiras, sche questas mesiras reduceschan durablamain las emissiun da gas cun effect da serra en il sectur commerzial ed industrial. Quai cumpiglia per exempel mesiras vi d'indrizs en process commerzials ed industrials, che reduceschan considerablamain ils gas cun effect da serra.

Cumplementarmain a la Confederaziun po il chantun Grischun plinavant promover implants da pilot e da demonstraziun per reducir ils gas cun effect da serra sco er per l'isolaziun ed accumulaziun tecnica da CO₂. 

Ultra da quai lantscha il chantun Grischun publicaziuns da concurrenza en quests secturs. Publitgads vegnan er projects per producir ed utilisar idrogen verd ubain combustibels e carburants sin basa d'idrogen sco er projects per rinforzar l'economia circulara e l'effizienza da las resursas. 

Il chantun Grischun po plinavant conceder contribuziuns per mesiras, sch'i po vegnir cuntanschì uschia in grad d'utilisaziun ch'è considerablamain meglier che quel da las pretensiuns energeticas.